Situado na parroquia de Cotá. Para chegar a el, na estrada Lugo-Friol e pasado o cruce de Cotá, hai que coller un camiño á dereita onde está unha casa abandonada e seguir cara ó río. A uns 200 metros, á esquerda do camiño, podedes atopar este magnífico exemplar de arquitectura megalítica do noso país. De todo o concello de Friol é o mellor conservado, pois conserva a tapa da cámara. A cámara está formada por cinco laxes que posiblemente manteñen a súa posición orixinal, mentres que a sexta laxe que hoxe se apoia sobre a tapa, está probablemente desprazada da ubicación orixinal. A cámara megalítica mide 1'70 m por 1'50 m. O conxunto conserva resto da estrutura tumular.
0 comentarios:
Publicar un comentario