A partir do 1964, debido ao olfacto de Manuel Fraga Iribarne --daquelas Ministro de Información e Turismo-- que comprendeu o valor propagandístico do medio, iniciouse unha política de creación dos chamados “Teleclubs” por toda a xeografía española , sen esquecer neste caso á España rural.
Estes Teleclubs, dirixidos polos párrocos, mestres,..en definitiva as forzas vivas do lugar, tiñan como pretexto a instalación dun aparello televisivo onde poder contemplar os programas que a TVE emitía nas dúas canles dispoñibles e coa finalidade de colaborar ao desenvolvemento económico, fomentando o desenvolvemento cultural. Realmente pretendían ser o púlpito que predicase as bondades do franquismo por todo o país.
Esta rede iníciase coa instalación do primeiro teleclub en Matilla la Seca, Zamora o 25 de novembro de 1964. Días despois –decembro do mesmo ano—as parroquias de Belesar en Vilalba e Camoira en Lugo foron as primeiras en ter cadanseu teleclub na nosa Comunidade.
Pois ben, Friol non foi alleo a este proceso de” teleclubización” e nesta década foron creados máis de un:
O 9 de maio de 1965 inaugurase en Ousá o primeiro do concello ao que lle seguirán outros nos anos seguintes.
As fotografías corresponden ao acto de inauguración do citado teleclub.
As fotografías corresponden ao acto de inauguración do citado teleclub.
3 comentarios:
Ben certo os famosos Teleclubs da época . Recordo os sábados e domingos pola tarde nun teleclub de Lugo ( eu penso que era privado ) . Meu pai nos levaba alí onde con outros nenos podiamos ver a tele .
Saúdos
Non sei cantos houbo na Ulloa, pero polo menos coñezo dous: o de Castro de Amarante e o de Casa de Nai(Antas de Ulla). O mellor dos teleclubes era esa placa con letras pop-art, de feito, fai anos regaláronme unha que gardo como un tesouro.
Si, alí estaba eu. Non me enteraba de moito con os meus 4 anos, pero salín na foto!
Publicar un comentario