O noso blog na Revista Galega de Educación

A Revista Galega de Educación, publicación da Nova Escola Galega, vén de editar o seu número 48.

Hai algún tempo, púxose en contacto con nós o Vicedecano da Facultade de Ciencias da Educación da USC, Xesús Rodríguez Rodríguez. Entre outras cousas, quería que na revista que el dirixe publicásemos un artigo no que se reflectise a historia e  evolución deste noso  blog.

Hai uns días que o número 48, dedicado ao mundo das Bibliotecas Escolares, saíu do prelo e no apartado dedicado ás Novas Tecnoloxías, aparece publicado o pequeno artigo co título Terras de Friol.

Só queda agradecer á Revista, á Facultade e ao Vicedecano o interese polo traballo que desde este recuncho da nosa xeografía estamos desenvolvendo.