22 xaneiro 2012

A curación das bélidas.

As belidas ou 'bélidas' é o nome que popularmente se lle dá ao leucoma da córnea ao se producir a opacidade desta. Como consecuencia da úlcera que se orixina, a agudeza visual de quen a sofre vese bastante afectada.
A medicina popular aconsellaba practicar este remedio que recolleu Fidalgo Santamarina no traballo, que xa temos mencionado noutras entradas, sobre a parroquia de Trasmonte, Antropología de una parroquia rural:
Nun vaso con auga , bótanse tres grans de trigo. Cos dedos índice e polgar cóllese un deles e fanse tres cruces contra o ollo ao tempo que se reza esta oración:
Enlace
"Nuestra Señora la Virgen María
tres libritos en la mano tenía:
Con uno leía
con otro rezaba
con otro bélidiñas dos ollos quitaba.
Por el poder de Dios y de la Virgen María,
un padrenuestro y un avemaría".
Isto había que repetilo tres veces, metendo ao finalizar o gran noutro vaso con auga.
Había que facelo tres días seguidos ( cada día co seu gran) e ao final os grans acaban botando un "ollo branco", producido pola humidade. É nese momento cando se lle van as bélidas do ollo do enfermo.
Curacións semellantes recóllense nos libros Supersticiones de Galicia de J. Rodríguez e La medicina popular en Galicia de V. Lis Quibén.

1 comentarios:

Carles Valls

Soy Carlos, colaborador de Printcolor (http://www.printcolorweb.com), imprenta digital especialista en libros. Tu blog ha sido seleccionado en la promoción “Tu primer libro gratis” y te regalamos la impresión gratis de tu libro, a cambio de que publiques en tu blog un comentario positivo sobre nuestros servicios. ¿Te interesaría? Para cualquier duda puedes enviarme un e-mail a info@printcolor.es

 
Creative Commons License
Esta obra publícase baixo unha Licenza de Creative Commons.