04 febreiro 2012

John Thompson en Friol

O pasado venres, 27 de xaneiro, achegouse ata Friol o investigador norteamericano, John Thompson, coa fin de procurar información sobre a actividade desenvolvida por este blog ao longo destes últimos anos...
Xa tiveramos a ocasión de establecer contacto con el, en maio de 2010, cando veu dar unha charla ao alumnado de secundaria sobre a "Memoria Histórica", visita da que demos conta no blog da biblioteca escolar. Este profesor, titular do Departamento de Linguas Modernas da Universidade de Montana, dedica parte do seu tempo á investigación sobre a incidencia ou plasmación da memoria histórica na narrativa galega do século XX; procura que reflectiu na súa publicación "As novelas da memoria. Trauma e representación da historia na Galiza contemporánea" publicada por Galaxia.
Nestes días percorre Galicia, facendo entrevistas ao profesorado de Educación Secundaria que, dentro da súa actividade docente, non esquece o relacionado coa Memoria Histórica (tema sobre o que segue investigando).
Nunha charla amena e distendida, tentamos explicar o que esta páxina significa para o Centro Escolar, para a Comunidade Educativa e para o conxunto do concello.
Ao tempo debullamos o que, aínda que colateralmente, imos atopando e publicando sobre a memoria da guerra, tema que por estas terras aínda semella ser un tabú difícil de esquecer.
Esperando o seguro bo resultado do traballo que anda deseñando, dámoslle as grazas por se lembrar de nós e , ao tempo, felicitalo por un traballo que, curiosamente, está impulsado desde (xeograficamente) lonxe, o que demostra un agarimo especial por unha cultura minoritaria como a nosa.

1 comentarios:

Mª José

Enhorabuena ! Me alegro que os visiten desde tierras lejanas y de que se interesen por el trabajo que realizais en este blog.

La cultura gallega no es tan minoritaria como parece , despierta curiosidad en muchos paises . Recuerdo que en la Universidad de Rennes , los estudiantes tenían la opción de estudiar gallego . Actualmente , sigo un blog educativo en el que participan alumnos que estudian gallego en Londres ...
El gallego y su cultura está presente en el Festival de Lorient.

Felicidades de nuevo y adelante !!!

 
Creative Commons License
Esta obra publícase baixo unha Licenza de Creative Commons.