13 setembro 2018

Estamos de aniversario...

Hoxe hai exactamente dez anos que botou a andar este caderno dixital.
Non queremos deixar pasar a oportunidade de celebrar con vós esta data, pois en definitiva sodes vós os que nos animades a seguir publicando co mesmo cariño que cando iniciamos esta andaina.
Naquel comezo de curso 2008/09, e sen termos moi claro o camiño a seguir, iniciamos a publicación de pequenas achegas--todas relacionadas co concello-- que foron conformando o que é hoxe Friol: algo máis que pan e queixo.
Demostrando que os blogs non necesariamente están condenados a un curto percorrido, levamos aquí estes 3652 días nos que con maior ou menor intensidade fomos publicando aquilo que consideramos de interese para Friol.
Este caderno non sería posible sen as múltiples colaboracións e achegas da veciñanza, máis ou menos próxima, e de compañeiros e compañeiras do mundo do ensino que tamén participaron, directa ou indirectamente, a que esta páxina se manteña aínda viva.
Só nos queda, por un lado agradecer aos lectores e lectoras o seu interese e os seus comentarios aclaratorios e enriquecedores e, polo outro, comprometernos a seguir o labor de esculca e publicación iniciado daquela desde a escola e hoxe mantido desde a asociación Carballo Vivo.

1 comentarios:

Mª José

Feliz cumpleaños !

10 años , en plena preadolescencia , os queda mucho que contar ...

Enhorabuena y gracais por tantos momentos compartidos , por el cariño profundo por esta tierra

Un abrazo ;)

 
Creative Commons License
Esta obra publícase baixo unha Licenza de Creative Commons.