Amosando publicacións coa etiqueta Arrepíos varios. Amosar todas as publicacións
Amosando publicacións coa etiqueta Arrepíos varios. Amosar todas as publicacións
01/07/12
16/02/10
Casa- escola na Rocha: entroido arquitectónico.
A antiga escola da Rocha hoxe permanece en espera de ser inaugurada como centro social. Un exemplo máis da reciclaxe arquitectónica tan en boga nos nosos concellos. Movidos pola curiosidade, asomamos o nariz pola ventá: de momento só é unha caixa baleira. Supoñemos e esperamos que a inauguración non espere ás eleccións municipais, ou a que A Rocha quede sen habitantes que lle dean vida. E como de momento, vida non ten, decidimos (aproveitando o entroido) poñerlle disfraces para darlle un pouco de alegría.
08/12/08
A fonte de S. Xiao do Carballo: Un exemplo de patrimonio arrasado
O patrimonio cultural vese continuamente atacado por unha especie de vaga vandálica que sen ningún respecto arrasa con todo o que atopa no seu camiño. Un exemplo recente témolo na fonte da igrexa de S. Xiao do Carballo. A fotografía da esquerda foi tomada no mes de maio deste ano e podemos observar como a fonte está adornada con dous pináculos de bóla sobre unha ménsula. Na fotografía da dereita, feita no mes de outubro, pódese ver como -descoñecemos a razón- desapareceron os dous pináculos e parte da ménsula. Iso si os restos do pináculo da esquerda aparecen rodeados por unha cinta de protección. 
Certo é que o paso dos anos e o abandono case total do patrimonio, deixado practicamente nas mans e na boa vontade do vecindario , non axuda ao mantemento destes elementos arquitectónicos, pero non é menos certo o desinterese que algúns particulares amosan polo mesmo.Non debe ser moita a preocupación por tal estrago pois, que nós saibamos, non houbo nin queixas nin denuncia pública dos feitos.Mentres non tomemos conciencia da necesidade do apoio por parte da administración e respecto e valoración por parte da sociedade do noso patrimonio, vai ser difícil que lle cheguen ás xeracións vindeiras o legado cultural que si chegou ata nós.
10/11/08
Internet en Friol
Dependendo de onde nazas, a comunicación co mundo varía. Sen máis valoracións, a pregunta que nos facemos é: cantos dos que protagonizan a nosa historia nos poden visitar?.
(Fotografía tomada en Freixido. Parroquia de Xiá)
(Fotografía tomada en Freixido. Parroquia de Xiá)
31/10/08
Desfeita
Foron necesarios dous intentos antes de dar coa Cova da Serpe. No primeiro e fallido intento, pensamos por un momento estar vendo unha alucinación. Nun lugar moi próximo á ubicación da emblemática Cova da Serpe, a paisaxe parecía vítima dunha feroz agresión: rodadas de maquinaria pesada, áreas dinamitadas, e sobre todo, inmensas moles de cemento que asemellaban escenarios dunha de tantas películas de futuros imperfectos. Desgraciadamente non era alucinación, era o presente real pero tamén imperfecto: o parque eólico de Cova da Serpe introduce unha triste fin ao que durante séculos foi un lugar simbólico na historia de Friol.
29/10/08
Enigmas de Friol
Alguén pode aportar algunha explicación a tan orixinal solución?: Porta de acceso ao cemiterio de Vilafiz, feita en aluminio e con dimensións claramente 'inharmónicas' co muro que pretende pechar. Tal vez responda a algún tipo de concepción estética que non acabamos de entender. O xeométrico e minimalista crucifixo que decora a porta, remite a modelos setenteros do cristianismo postmoderno. As ventás superiores pode ser que teñan algún significado metafísico de lectura difícil. Por máis voltas que lle demos, non conseguimos atopar coherencia nesta proposta, sen dúbida algunha arriscada e controvertida. Se alguén pode aportar algunha explicación, rogamos que nolo fagan saber.
06/10/08
Ecoloxistas piden o traslado ou a supresión dun muíño de vento que afecta á Cova da Serpe
Esta noticia apareceu publicada o 28-07-08 no Diario "El Progreso" nós resumímola
Subscribirse a:
Publicacións (Atom)
