Xa pouco falta para a estrea da montaxe que, este curso, o grupo de teatro "Algo máis que pan e queixo" está preparando, cumprindo co seu compromiso anual.
Este ano o título da montaxe "Non o creo!", ao contrario do que sucedía en cursos pasados, non dá moitas pistas sobre o seu contido.
Podemos dicir, que respectamos a norma por nós autoimposta de ser un guión propio, basado en feitos históricos ou lendarios que teñan que ver coas terras friolesas.
Pois ben, "Non o creo!" cumpre este perfil, ao mesturarmos feitos reais con feitos da memoria popular todos ocorridos nestas terras e --este ano -- nas terras de Guntín de Pallares.
Explicámonos:
Os feitos ocorren a fins do século XIX, concretamente no ano
1873. Neses tempos, os enfrontamentos entre
liberais e carlistas tocaron de cheo a Galicia, e por suposto
non quedaron á marxe estas terras, que sufriron a presenza das partidas dos carlistas, das que hai recollidos testemuños dos seus feitos -vía hemeroteca-.
A montaxe, posteriormente dá un chimpo de cen anos e aproveita a publicación dunha nova recollida no diario provincial "El Progreso" que dá conta do achado dunha cazola con máis de oitocentas moedas de ouro e prata que permitiron --diso somos sabedores por un demanchiño que nolo achegou á orella-- a adquisición dun tractor da máis alta gama daqueles momentos-- estamos falando de 1973-.
Pois ben, todo isto mesturado con algo de imaxinación, e da man dun trasno ao que non lle afecta, claro está, o paso do tempo, deu como resultado esta obra que estrearemos o 23 de maio no lugar habitual para estas montaxes.
Este ano faremos unha representación extra para o alumnado de ESO do CPI Tino Grandío de Guntín, que se achegarán á Torre de San Paio o día 24 de maio.
Nos enlaces que vos deixamos podedes completar a información histórica na que se apoia a montaxe para ter unha comprensión máis doada da mesma.
Vémonos!.
Seguir lendo...
Hoxe rematamos a primeira quenda de representacións da montaxe "Non o creo!".
Se ao principio estabamos temerosos sobre os resultados do divertimento, podemos dicir que, unha vez máis, o éxito coroou o traballo que levamos facendo dende hai uns meses. 
Que o grupo de teatro "Algo máis que pan e queixo" vaise asentando é un feito. Aos poucos, sen montar moito balbordo, vai conseguindo, por unha parte, achegar máis público ás súas actuacións, e pola outra mellorar a posta en escena das representacións que monta.
Achégase a posta en escea da montaxe que o grupo de teatro "Algo máis que pan e queixo" do CPI Dr. López Suárez, presenta por estas datas.
Hoxe desenvólveronse na Torre de San Paio,ao longo de todo o día, as actividades previstas nas VII Xornadas Interxeracionais Rurais organizadas pola Asociación de Veciños de Cabreiros, o Concello de Xermade e a Universidade de Santiago de Compostela.
Onte tivo lugar na Torre de San Paio a representación para os pais da obra "De serpes e segas". Dado o éxito da convocatoria houbo que habilitar máis espazo para o acomodo do público que encheu a sala de escenificación.
