Deixémonos de dindirindainas

Hoxe estreamos a montaxe que para os habituais xa son " As dindirindainas" e que nós seguimos representando co título desta entrada.

Imos pola cuarta edición, xa catro anos !, e semella que lle imos tomando o pulso ao persoal, pois a verdade é que hoxe a sensación, ao rematar a función, era de quen sae dun espectáculo ao que inicialmente se ve obrigado a asistir pero que ao final resulta do seu agrado. De feito rapazas e rapaces comentaron con interese as diferentes intervencións dos membros do grupo.

Como ben sabedes, temos rapazas con moita experiencia e iso nótase un montón; pero non é menos certo que as novas incorporacións fixeron un papel non menos digno que nos permite afirmar que a montaxe resultou moito máis exitosa do esperable.

Agradecemos particularmente a  Silvia Cabado a súa achega, pois a pesar de estar nun proceso vírico-gripal que non favorece este tipo de actividades, realmente mantivo o tipo cunha actuación máis que destacada.

Mañá recuncamos e esperamos rematar coas mesmas sensacións.