Visita a Friol do alumnado de Pedagoxía da USC

Este pasado venres na Torre de San Paio, convidados pola  Facultade de Ciencias da Educación da USC, expuxemos o traballo desenvolto por este blog ao alumnado da área de Deseño e Avaliación de Materiais Didácticos de 4º de Pedagoxía, acompañados polo seu profesor Jesús Rodríguez.

A actividade integrouse na visita que fixo este grupo á Rede Museística provincial, que incluíu a presentación da cantidade de actividades na que está implicado o Museo de San Paio de Narla.

Nós fixemos a presentación de todo o traballo que significou "Friol: algo máis que pan e queixo", non só como blog ,senón tamén como mobilizador de diferentes proxectos que se levaron adiante no CPI Dr. López Suárez.

Agradecemos tanto a invitación da USC, como a acollida do persoal da Torre e, como non , a atención prestada por esta futura fornada de pedagogas e pedagogos. 

Grazas a todas e todos.

Deixamos aquí o pdf que empregamos na charla.

Nota: A fotografía que ilustra a entrada é obra de Ana Ferro

Seguir lendo...

Xornadas de Carballo Vivo (II)

Continuando co traballo presentado nas Xornadas na mañá de onte, hoxe deixamos o bloque correspondente á análise sociapolítica dunha época esperanzadora para a sociedade española e para o mundo da educación en particular, como foi a II República --cando menos nos seus primeiros pasos-- e as dramáticas consecuencias do golpe militar franquista do 36.

Con esta presentación  que aquí deixamos, explícase con claridade a evolución xeral desde os primeiros anos da República ata os primeiros anos da posguerra cunha sinxela reflexión sobre a evolución do sistema educativo ata chegarmos aos noso días que, despois de percorrer as diapositivas da presentación, dá a impresión que se quere volver ao escurantismo tan beneficioso para algúns e tan prexudicial para a maioría da sociedade.

Esperemos tiredes proveito deste traballo.

  

Seguir lendo...

Feira do queixo e pan de Ousá.

Que esta páxina se intitule "Friol: Algo máis que pan e queixo..." non quere dicir que deamos as costas aos dous elementos fundamentais que permiten explicar a idiosincracia de Friol.

Certo é, que o concello é moito máis que o que se nos parece ofrecer; pero non menos certo é, que o pan e o queixo son dous emblemas ben representativos destas terras, e con razón.

Dende o ano 1.993 celébrase todos os anos, ben avanzado o mes de marzo, unha feira na que se dá a coñecer ao resto da Comunidade estes produtos representativos da bisbarra.

Miles de persoas achéganse á vila coa fin de adquirir estes preciados manxares. Friol é o centro gastronómico da provincia por un día. As transaccións comerciais realizadas nesa fin de semana sanean as economías familiares de moitas casas do concello.

Acompañamos esta entrada cunha pequena presentación cos carteis anunciadores da feira nos pasados anos. Non están todos, gustaríanos poder acceder a todos eles, pero de momento isto é o que hai.

Feira from José María Carricoba Armesto

Seguir lendo...

As festas da Santa Isabel

Nestes últimos anos, parece que a “Santa Isabel” por motivos que non imos valorar, anda de capa caída. O que noutrora foran unhas festas nas que todo o pobo participaba activamente, hoxe esmorecen sen que ninguén pareza pórlle remedio.

Pois ben, na presentación que acompaña esta entrada, recollemos a festa en anos diferentes, nas que sobresaían, con razón, os palcos das orquestras nos que se traballaba arreo para preparar un decorado de acorde coa agrupación musical que amenizase as festas.

Festas, nas que non podían faltar os gaiteiros, a iluminación con profusión de colorido, concursos, o clásico partido entre solteiros e casados , e todo o característico das festas populares.

Os palcos, tiñan sona en toda a contorna. Dun ano para outro aproveitábase o material -- xa reciclando naqueles anos !--. A mocidade axudaba, como o que máis, a erguer eses monumentos efémeros pero luxosos, que reflectían un traballo feito con cariño esforzo e  dedicación. Que imos contar que non saibades!.

Os vellos teñen na boca sempre aquilo de  “…aqueles si que eran tempos” se cadra neste caso deberiamos darlles a razón.

Queda aqui o enlace á nova entrada para ver as fotografías que desapareceron desta entrada

Seguir lendo...

Viacrucis de Anxeriz

No viacrucis de Anxeriz son tres as pezas que se poden ver: a Verónica, Cristo morre na cruz e descendemento.

A Verónica foi unha santa nacida da imaxinación popular cara finais do S.XV, que secou a suor do rostro de Cristo camiño á crucifixión, quedando no pano recollida a impresión da Santa Faz.

No relevo da morte de Cristo, aparecen dúas figuras ó pé da cruz que, seguindo a tradición, deberían ser a Virxe e S. Xoán.

No relevo do descendemento, Cristo xa foi descravado e descendido por dúas figuras. Tradicionalmente son Xosé de Arimatea e Nicodemo quen se encargaron de estender o seu corpo inerte sobre unha pedra.
Máis difícil nos resulta propoñer unha data. A falta de apoio documental non nos queda máis remedio que movernos no terreo da especulación. Tendo en conta que a arte popular é intemporal como para aportar pistas estilísticas, e que foi no S.XIX cando o viacrucis se implanta con máis forza, nós propoñemos este século como o máis probable.

Podemos ver as imaxes a continuación

Seguir lendo...