Retorno ó pasado: Traballo para o verán.

No ano 1.993 e para participar no concurso da T.V.E. "Galicia de escola a escola", o centro escolar preparou a obra "Retorno ó pasado", produción que foi gravada na Torre de San Paio, baixo a coordinación de Pepita Regueiro e Teresa Vila.

Estes alumnos e alumnas, supoñemos que na actualidade andarán polos 30 anos máis ou menos. A nós algunhas caras resúltannos familiares pero descoñecemos quen poden ser. Seguramente algún dos que leades esta entrada si que os coñeceredes e poderedes dicir con exactitude quen é quen.

O que propoñemos é que se recoñecedes a alguén deixedes un comentario ou enviedes un correo indicando o nome, do actor ou da actriz, e o seu lugar e parroquia de orixe.

Para facilitar o labor , na fotografía da dereita deixamos numeradas ás persoas para evitar posibles erros.

De antemán agradecemos a atención e esperamos que estean feitos "os deberes" á volta das vacacións.

Grazas.