Bens de Interese Cultural en Friol

Resumo da noticia do diario "El Progreso" ( 09-07-2.008 )

A Consellería de Cultura vai iniciar o proceso de estudo e delimitación da Anta da Muruxosa e das Medorras de Monteirón e a Medorra Aberta da Gándara de Narla coa fin de declaralas como Ben de Interese Cultural (BIC).

Tratase de garantir a súa conservación, divulgar a súa existencia e poder gozar destes espazos - segundo palabras da conselleira Ánxela Bugallo.

O director xeral de Patrimonio Cultural, Felipe Arias, lembrou que o proceso de declaración de BIC é moi longo, inclúe estudos de delimitación, análise catastral e inicio do expediente que precisa de exposición ao público—, pero estimou que a fins do 2009 contarán xa coa incoación ou a declaración estes xacementos megalíticos.