Historias locais narradas por Quiroga (II)

Dos mesmos personaxes, Gilito mailo Venido, cóntanse moitas historias.

Noutra ocasión o amigo Venido tiña unha burra que era moi cabezota. Cando lle daba a gana de non andar, non había forma de que cedera. Deuse a casualidade que naquel momento, estaba con el un veciño simpático e ocorrente coma poucos, dicíndolle:

- Mételle unha guindilla polo cu e verás como anda! 

Dito é feito. Fíxolle caso. Entón a burra ó sentir a picazón nun lugar tan sensible, arrancou coma unha frecha escapándolle co ramal de arrastro.

O bo de Venido comentou:

--E agora quen a recada?

Contestándolle este veciño, que por algo era conocido polo Farras :

-- Agora mete ti dúas polo mesmo sitio, xa verás como a podes coller !.