04 marzo 2010

1.975 : Tres mozas

Deixamos aquí esta fotografía destas tres mozas que cando decidiron posar diante de Juan José Vivancos, un dos fotógrafos de referencia no Lugo do século XX, pouco máis dos quince anos terían. A foto é, se os datos non son erróneos—e non o parece—do ano 1.975. O lugar está ben claro, e as rapazas,… seguro que máis de un dos que estean lendo esta entrada recoñecerán ás protagonistas: Unha delas é na actualidade a secretaria do Xulgado de Paz e as outras dúas tamén veciñas –unha hoxe fóra e a outra que, sabemos, vive enfronte do cuartel da G. Civil.
Pantalón de “pata de elefante” saias lixeiramente por riba dos xeonllos e plataformas eran os elementos vangardistas dunha moda que co paso do tempo volveu aparecer non hai moitos anos.
O que seguro non imaxinaban, é que a instantánea do fotógrafo, ao cabo do tempo, pásase a formar parte do Arquivo Histórico Provincial que é a fonte que empregamos. E por suposto non contarían con aparecer nunha publicación electrónica que ten a súa orixe no mesmo Friol que as viu nacer.
A sociedade naqueles anos empezaba a sacudirse o pasado ditatorial, e empezaban a agromar movementos feministas, defensores dunha igualdade inexistente e que aínda hoxe se está por acadar.

0 comentarios:

 
Creative Commons License
Esta obra publícase baixo unha Licenza de Creative Commons.