A Dona da Torre ( II )

No concello de Friol tamén circula unha versión máis beatífica: Hai moito tempo na Torre de San Paio de Narla había un home chamado Federico que estaba casado cunha muller chamada Catalina.

Federico, matou a Catalina. Cando a foron enterrar puxéronlle algodón para que non perdera sangue e levárona a enterrar a Sobrado dos Monxes.

Catalina tiña uns irmáns en Italia. Tres anos despois de que ela morrera viñeron a Galicia os seus irmáns e foron a Sobrado dos Monxes a desenterrala. Cando a desterraron, sacáronlle os algodóns que tiña metidos onde lle cravaran o puñal. Os irmáns sorprendéronse ao ver que a súa irmá non podrecera. Entón eles déronse conta de que ela era unha virxe e por iso agora lle quedou o nome de a “Virxe Catalina”.

Recollidas por alumnas do C.P.I. Dr. López Suárez de Friol en marzo de 2.005.

Informante : Herminia Varela